Dálítill húmör.

------ ----- ----- ----- ----- ----- ----- -----

Litla stúlkan við manninn með ístruna: Heyrðu, ertu með baddn í maganum?

Þessi með ístruna: Nei, ég er með fíl í maganum.

Litla stúlkan: Fíl? Hvernig veistu?

Þessi með ístruna: Af því að raninn er kominn út.

Hefur þú haldið framhjá?

Enginn vill láta halda framhjá sér ... eða þeir eru a.m.k. fáir. Samt virðast fjölmargir telja það sjálfsagt að halda framhjá sjálfir. Stenst það?

Ég setti í gamni upp könnun á málinu og hvet alla til að taka þátt þannig að niðurstaðan verði sem marktækust.

Könnunin er hérna efst til vinstri.

Löngu kominn í mark.

Elton John þarf ekki að keppa við neinn á tónlistarsviðinu.

Fyrir utan að þeir eru fáir sem komast með tærnar þar sem hann hefur haft hælana í gegnum árin þá er hann fyrir löngu kominn í mark sem sigurvegari.

Hér er frumflutningur lagsins Sorry Seems To Be The Hardest Word á BBC árið 1976, en þetta lag er fyrir löngu orðið eitt af þjóðargersemum Breta á tónlistarsviðinu.

Elton John: Get ekki keppt við Lady GaGa

Mætum öll og mótmælum.

Íslendingar.

Notum það úrræði sem við höfum gegn óstjórninni í landinu.

Mætum öll á Austurvöll og mótmælum kröftuglega.

Íslendingar hafa verið rændir af örfáum einstaklingum og enn heldur ránið og eignaupptakan áfram fyrir allra augum af fjármagnseigendum og samsekum stjórnmálamönnum sem lyfta ekki litla fingri til að stöðva þessa ósvinnu heldur rífast bara innbyrðis um einskisverð mál og láta margra ára flokkshagsmunagæslu og persónuleg illindi sitja fyrir.

Margir þeirra styðja fjármagnsvaldið GEGN fólkinu í landinu sem borgar launin þeirra.

Komum þessu liði ÚT ÚR ALÞINGISHÚSINU!

Skipum starfhæfa utanþingsstjórn sem tekur á málunum af festu til hagsbóta fyrir fólkið í landinu.

STÖÐVUM ARÐRÁNIÐ ÁÐUR
EN ÞAÐ VERÐUR OF SEINT!

Áfram Chelsea.

Hvetja atvinnurekendur til að gefa starfsfólki frí til mótmæla

Nú? Er sá tími ársins kominn?

Blessaðar rjúpnaskytturnar.

Þá eru þær komnar á kreik, jafn árvissar og jólasveinarnir.

Hvað skyldu þær annars eiga eftir að kosta björgunarsveitirnar mikið í ár?

Og hvað skyldur þessir byssuglöðu menn nú skilja eftir sig margar helsærðar rjúpur sem líða hræðilegar kvalir áður en dauðinn kallar á þær?

Þessi litlu, saklausu en ofsóttu grey sem geta ekkert að því gert þótt þær séu góðar á bragðið.

Leituðu að rjúpnaveiðimönnum

Sorrí, ég trúi þessu ekki.

Það barasta stenst ekki að hægt sé að höfða mál gegn fjögurra ára gömlu barni í Bandaríkjunum.

Þessi frétt hlýtur að vera byggð á einhverjum misskilningi,ýkt stórlega eða þá að hér er bara sagt rangt frá.

Höfða mál gegn 4 ára barni fyrir að bana konu

Breyttar fyrirsagnir

Já nú er ljótasti hundur í heimi allur. Hvernig væri nú að færa þetta uppá mannfólkið? Við höfum hingað til heyrt "þyngsti maður í heimi látinn" eða "hæsti maður heims látinn" og nú vil ég sjá hér eftir: "ófríðasti maður í heimi látinn eftir stutta sjúkdómslegu......"

Eða: "karlmaður á fimmtugsaldri var tekinn ölvaður undir stýri og tekið var eftir hversu verulega ófríður hann var..."

Hvenær skyldi ljótasta rotta í heimi deyja? Sumum finnst þær allar forljótar hvort eð er.

Ljótasti hundur heims dauður

Hafa menn eitthvað rannsakað marhnútastofninn?

Já ég veit að hann flokkast svo sem ekki sem neinn sérstakur nytjafiskur en ég vil benda öllum á að hann hefur samt sem áður nákvæmlega JAFN mikin rétt á að lifa í sjónum og allir aðrir fiskar. Hvaða rétt höfum við mennirnir að flokka suma fiska mikilvægari en aðra? Bara af því að okkur finnst gott að borða þá? Byggist almennt gildismat lífsins á því hvað MÖNNUM kemur best? Það finnst marhnútinum sko alls ekki.

Hvað myndi t.d. manni finnast um  það að vera húkkaður á öngul, lyft upp í snarhasti helsærður, kjafturinn opnaður með valdi og síðan skyrpt uppí mann ógeðslegri slummu af munnvatni - allt uppá von um góða veiði !!! Þetta þarf hann að upplifa og það vorkennir honum ekki nokkur maður.

Nei, mér finnst marhnúturinn alls ekki nógu hátt skrifaður almennt.

 

Staða ýsustofnsins slök

Eru bara 3 lið á Englandi?

Mbl.is segir skilmerkilega frá helstu úrslitum í enska Carling bikarnum í gær. Þar áttust við Arsenal/Liverpool, Chelsea/Bolton og Man City/Scunthorpe svo eitthvað sé nefnt.

Í tíu fréttum á RÚV í gær voru sýnd mörkin úr leik Arsenal/Liverpool en EKKERT sagt frá hinum leikjunum, ekki einu sinni hvernig þeir enduðu!!!

Í fréttum Stöðvar 2 í kvöld 29.10. var aftur sagt frá leik Arseanl/Liverpool í máli og myndum en EKKI MINNST EINU ORÐI Á HINA LEIKINA - þrátt fyrir að amk í öðrum þeirra voru 2 úrvalsdeildarlið á ferð og annað í toppsæti deildarinnar !!!

Nei það er alveg deginum ljósara að hjá öllum fréttamönnum eru aðeins 3 lið sem skipta máli, Liverpool, Arsenal og Man Utd og þegar Eiður fór frá Chelsea þá misstu þeir endanlega áhuga líka á því liði - liði sem er samt sem áður betra en öll hin 3.

Mikið hrikalega var ég skúffaður þegar ég varð vitni að þessu.

Ég trúi þessu ekki !!

Er Simpson virkilega hætt í Melrose Place???  Ég neita algerlega að trúa þessu. Líf mitt er gersamlega hrunið eftir þessar hrikalegu fréttir. Ég er kominn með ekkasog. Hvað á maður að gera á kvöldin núna?

Jú maður getur auðvitað horft á alla hina stórkostlegu þættina á Skjá einum, t.d. American´s next top model, Bachelor og Bachelorette og alla hina slepjuna.

Nei ég held að um leið og þessi stöð ruglar dagskrána hjá sér þá verður það einn mesti ánægjudagur minn í lífinu. Þá þarf maður ekki að hneykslast neitt og æla yfir þessari ömurlegu dagskrá - maður bara sér hana ekki lengur. Þvílíkur léttir.

Simpson hættir í Melrose Place