Hvað skyldu margir hafa gert þetta?

Það er ljóst að þau Allen og Violet Large verða ekki af aurum sínum apar.

Mér er hins vegar spurn: Hversu margir ætlu þeir séu sem hefðu tekið sömu ákvörðun og þau?

Öldruð hjón unnu milljarð og gáfu allt

50 frábærar eftirhermur.

Góð eftirherma er gulls ígildi sagði amma alltaf þegar hún mjálmaði á hundinn og ég er ekki frá því að sú gamla hafi haft rétt fyrir sér þar.

Henni til heiðurs og öðrum til skemmtunar er hér myndband þar sem eftirhermusnillingur einn sýnir 50 bestu eftirhermurnar.

Það er ljótt að stela.

Ólöglegt niðurhal er ólöglegt vegna þess að það er þjófnaður. Ekki gera öðrum það sem þú vilt ekki að aðrir geri þér.

 

Dýr lög á netinu

Trúa trúleysingjar á "ekkert"?

Þurfa ekki allir að trúa á eitthvað?

Hér er einn sem svarar því á sinn hátt.

Glæsilegt!

Eina sem ég hef um málið að segja að svo stöddu.

Ancelotti: Spilum af meira sjálfstrausti

Hvað er í gangi eiginlega með þetta trúarrugl?

Ég segi eins og er að ég skil ekki hvaða læti þetta eru í fólki vegna trúarkennslu í skólum?

Það mætti halda að hér hafi orðið einhver meiriháttar árekstur á milli trúarhópa sem hafi skapað stríðsástand.

Og út af hverju?

Nákvæmlega engu.

Eða getur einhver sagt mér í hvaða skóla eða skólum trúarkennsla eða trúboð hefur verið vandamál?

Aldrei hef ég orðið var við þann vanda alla vega og enginn sem ég þekki. 

Og þótt ég vissi um eitthvað slíkt eru þá ekki allir sammála um að trúboð í skólum sé óviðeigandi?

Ég veit ekki betur.

Hvert er þá vandamálið sem kallar á allan þennan æsing? 

Tillitsleysi borgarinnar

Hamingjuóskir til Harðar.

Ég gleðst yfir þessu og óska Herði Torfasyni alls hins besta.

Fyrsta platan hans, sem seinna var kölluð "ofar", er einhver besta plata íslenskrar tónlistarsögu og ein af mínum uppáhaldsplötum.

Að sjálfsögðu sendi ég Ara Trausta mínar bestu hamingjuóskir líka.

Siðmennt heiðrar Hörð Torfa og Ara Trausta

Er Guð til eða er Guð ekki til? (Endurbirt könnun)

Undanfarið hafa trúarumræður verið áberandi í helstu fjölmiðlum landsins og sýnist sitt hverjum í þeim efnum.

En hversu hátt hlutfall íslensku þjóðarinnar trúir því að Guð sé til versus það hlutfall sem trúir því ekki?

Skoðanakönnun dagsins er ætlað að finna út úr þessu í eitt skipti fyrir öll.

Vinsamlega taktu þátt - hér efst til vinstri - og smelltu á svarið sem er nær þinni sannfæringu.

Þér er síðan velkomið að gera grein fyrir atkvæði þínu í athugasemdarkerfinu hér fyrir neðan.

Vinsamlega athugið. Allir sem svara fara í sérstakan pott sem dregið er úr daglega og hljóta hinir heppnu fyrirgefningu minniháttar synda.

Endemis kjaftæði er þetta?

Hvaða endemis þvæla er í gangi? Liggur ekki alveg morgunljóst fyrir að fyrst hún er móðirin en hann ekki faðirinn þá er skýringin bara ein.

Frúin hefur haldið framhjá með pípulagningarmanninum.

Annað er útilokað*.

*Að því gefnu auðvitað að þetta sé ekki Guðssonurinn sjálfur, eingetinn eða endurfæddur.

Ekki líffræðilegur faðir vegna mistaka

Algjört bull í Aldridge - ætti sjálfur að skammast sín fyrir svona ummæli.

Ekki get ég verið sammála Aldridge þarna og í raun tel ég það honum til lítils sóma að láta svona ummæli frá sér fara.

Ég hef enga trú á að Nani hafi vitað hvað myndi gerast þegar hann handlék boltann og ótrúlegt að Aldridge skuli ýja að því að svo hafi verið, sé rétt eftir honum haft.

Nani gerði ekkert annað en að klára skyldu sína sem fótboltamanns, þ.e. að nota tækifærið sem gafst til að skora mark.

Það var alls ekki honum að kenna að dómarinn flautaði aldrei og sannarlega ekki honum að kenna að markmaðurinn skyldi gera sín augljósu mistök.

Auðvitað nýtti Nani sér það og skoraði án umhugsunar eins og honum hefur verið uppálagt að gera sem atvinnumanni í leiknum. Hvort það sé móralskt rétt eða ekki að nýta sér mistök andstæðinga sinna er bara alls ekki leikmanna að velta fyrir sér í hita leiksins.

Skárra væri það nú. Fótbolti er ekkert kellingasport.

Aldridge: Nani er ógeðfelldur leikmaður