50 frábærar eftirhermur.

Góð eftirherma er gulls ígildi sagði amma alltaf þegar hún mjálmaði á hundinn og ég er ekki frá því að sú gamla hafi haft rétt fyrir sér þar.

Henni til heiðurs og öðrum til skemmtunar er hér myndband þar sem eftirhermusnillingur einn sýnir 50 bestu eftirhermurnar.

Það er ljótt að stela.

Ólöglegt niðurhal er ólöglegt vegna þess að það er þjófnaður. Ekki gera öðrum það sem þú vilt ekki að aðrir geri þér.

 

Dýr lög á netinu

Glæsilegt!

Eina sem ég hef um málið að segja að svo stöddu.

Ancelotti: Spilum af meira sjálfstrausti

Er Guð til eða er Guð ekki til? (Endurbirt könnun)

Undanfarið hafa trúarumræður verið áberandi í helstu fjölmiðlum landsins og sýnist sitt hverjum í þeim efnum.

En hversu hátt hlutfall íslensku þjóðarinnar trúir því að Guð sé til versus það hlutfall sem trúir því ekki?

Skoðanakönnun dagsins er ætlað að finna út úr þessu í eitt skipti fyrir öll.

Vinsamlega taktu þátt - hér efst til vinstri - og smelltu á svarið sem er nær þinni sannfæringu.

Þér er síðan velkomið að gera grein fyrir atkvæði þínu í athugasemdarkerfinu hér fyrir neðan.

Vinsamlega athugið. Allir sem svara fara í sérstakan pott sem dregið er úr daglega og hljóta hinir heppnu fyrirgefningu minniháttar synda.

Endemis kjaftæði er þetta?

Hvaða endemis þvæla er í gangi? Liggur ekki alveg morgunljóst fyrir að fyrst hún er móðirin en hann ekki faðirinn þá er skýringin bara ein.

Frúin hefur haldið framhjá með pípulagningarmanninum.

Annað er útilokað*.

*Að því gefnu auðvitað að þetta sé ekki Guðssonurinn sjálfur, eingetinn eða endurfæddur.

Ekki líffræðilegur faðir vegna mistaka

Algjört bull í Aldridge - ætti sjálfur að skammast sín fyrir svona ummæli.

Ekki get ég verið sammála Aldridge þarna og í raun tel ég það honum til lítils sóma að láta svona ummæli frá sér fara.

Ég hef enga trú á að Nani hafi vitað hvað myndi gerast þegar hann handlék boltann og ótrúlegt að Aldridge skuli ýja að því að svo hafi verið, sé rétt eftir honum haft.

Nani gerði ekkert annað en að klára skyldu sína sem fótboltamanns, þ.e. að nota tækifærið sem gafst til að skora mark.

Það var alls ekki honum að kenna að dómarinn flautaði aldrei og sannarlega ekki honum að kenna að markmaðurinn skyldi gera sín augljósu mistök.

Auðvitað nýtti Nani sér það og skoraði án umhugsunar eins og honum hefur verið uppálagt að gera sem atvinnumanni í leiknum. Hvort það sé móralskt rétt eða ekki að nýta sér mistök andstæðinga sinna er bara alls ekki leikmanna að velta fyrir sér í hita leiksins.

Skárra væri það nú. Fótbolti er ekkert kellingasport.

Aldridge: Nani er ógeðfelldur leikmaður

Verður vatni sprautað á skrílinn?

Verður ekki frost á morgun á Austurvelli?

Er þá ekki tilvalið að sprauta bara vatni á skrílinn svo hann frjósi í sporunum?

Nei, ég bara spyr.

Lögreglan bíður átekta

Gleðilegt fyrir skuldara - skjaldborgin rís!

Ég fagna því innilega að til standi að reisa nýtt fangelsi, enda útlit fyrir stóraukna eftirspurn eftir klefum þegar blórabögglar þessa lands, óheppnir húsnæðiskaupendur og aðrir almennir skuldarar, þurfa á gistingu að halda fyrir sig og fjölskylduna.

Fögnum öll hinni nýju skjaldborg heimilanna! 

ps. Útséð er með að svokallaðir útrásarvíkingar verði vistaðir þarna. Þess í stað verður þeim boðið að búa áfram í lúxusvillunum sínum á kostnað íslenskra skattgreiðenda hér eftir sem hingað til.

Þrjú sveitarfélög berjast um byggingu nýs fangelsis

Hundruð milljóna?

Það segir í fréttinni að í þessa tilraunarstarfsemi hafi farið hundruð milljóna.

Svo er ekki sagt meir. En mig langar að vita:

Hve mörg hundruð milljóna fóru í þetta?

Í hvað fór allur þessi kostnaður?

Hverjir lögðu fram féð?

Hvað klikkaði?

Og ... hvað nú?

Getur einhver svarað þessu?

Þróun á vélum til framleiðslu á pappabrettum í Mývatnssveit hefur stöðvast

Frábær hugmynd!

Hvers vegna hefur engum dottið þetta í hug áður? Ég sé ekki betur en að hér sé komin uppfinning 21. aldarinnar og líklega merkilegasta uppfinning mannkynsins síðan roðflettingarvélin kom á markaðinn.

Þess verður örugglega ekki langt að bíða þar til þessi snilld verður komin upp í öllum görðum landsins,jafnvel víðar, enda brúkleg til að safna saman svörtustu sauðum samfélagsins hvar sem er, hvenær sem er.

Ég mæli með svona búrum fyrir sjálfstæðisfólk, ESB-sinna, presta, útrásarvíkinga, skuldara og Liverpool-aðdáendur en að sjálfsögðu verður hver og einn safna fyrir sig þeim tegundum sem þeir vilja.

Einhverfur drengur í búri í frímínútum